அகதிகளை ஏற்றிச் சென்ற வாகனம் விபத்து; 4 பேர் உயிரிழப்பு

மெக்சிகோவில் இருந்து அகதிகளை ஏற்றிச் சென்ற வாகனமொன்று கடந்த 30 ஆம் திகதி அமெரிக்காவின் டெக்சாஸ் மாகாண சோதனைச் சாவடியில் இருந்து தப்பிச்செல்ல முயன்றபோது விபத்துக்குள்ளாகியுள்ளது.

 இந்நிலையில் இவ்விபத்தில்  4 பேர் உயிரிழந்துள்ளனர்  என அந்நாட்டுப் பொலிஸார் தெரிவித்துள்ளனர்.
கடந்த 27 ஆம் திகதி  டெக்சாஸ் மாகாணத்தில் கனரக வாகனமொன்றில் மூச்சுத்திணறி உயிரிழந்த 53 அகதிகளின் சடலங்கள் கண்டெடுக்கப்பட்டதை அடுத்து அமெரிக்காவுக்குள் நுழையும் வாகனங்கள் தீவிர சோதனைக்கு உட்பட்டு வருகின்றமை குறிப்பிடத்தக்கது.