அமைச்சரவைத் தீர்மானத்துக்கு ஒப்புதல் வழங்குமாறு கோரிக்​கை

தமிழக அமைச்சரவை நிறைவேற்றிய தீர்மானத்துக்கு ஒப்புதல் வழங்க, ஆளுநருக்கு உத்தரவிடகோரி சென்னை உயர் நீதிமன்றத்தில் நளினி மனு அளித்துள்ளார்.

ராஜீவ் கொலை வழக்கில் சிறையில் உள்ளவர்களை விடுதலை செய்ய வேண்டுமென, கடந்த செப்டெம்பர் மாதம் அமைச்சரவையில் தீர்மானம் நிறைவேற்றப்பட்டது.

இது தொடர்பாக, ஆளுநர் மாளிகையிலிருந்து எந்த பதிலும் வராத நிலையில், ராஜீவ் காந்தி கொலை வழக்கில் சிறையில் உள்ள நளினி, சென்னை உயர் நீதிமன்றத்தில் மனு அளித்துள்ளார். 7 மாதம் ஆகியும் தீர்மானத்துக்கு ஒப்புதல் வழங்காமல் இருப்பது அரசியல் சாசனத்துக்கு விரோதமானது என்று முறையிட்டுள்ளார்.

நாளை, நளினியின் மனு சென்னை உயர் நீதிமன்றத்தில் விசாரணைக்கு வரவுள்ளதாக, தவவல்கள் வெளியாகியுள்ளன.