ஆப்கானிஸ்தான் ஜனாதிபதி மாளிகைக்கு அருகில் றொக்கெட்டுகள்

ஆப்கானிஸ்தான் தலைநகர் காபூலை இன்று றொக்கெட்டுகள் தாக்கியதோடு, ஹஜ் பெருநாள் தொழுகையின்போது ஜனாதிபதி மாளிகைக்கு அருகிலும் தரையிறங்கியுள்ளன.

எவ்வாறெனினும், ஆப்கானிஸ்தான் ஜனாதிபதி அஷ்ரஃப் கானியும், ஏனைய பலரும் வெளியக ஒன்றுகூடல் ஒன்றில் அமைதியாக தொழுகையைத் தொடர்ந்திருந்ததை சமூக வலைத்தள காணொளிகள் வெளிக்காட்டியுள்ளன.

மாளிகைக்கு வெளியே மூன்று றொக்கெட்டுகள் தரையிறங்கியதாகத் தெரிவித்த உள்நாட்டமைச்சின் பேச்சாளர் மிர்வாய்ஸ் ஸ்டனிஸ்காய், உடனடியான காயம் எதுவும் இருப்பதாக அறிக்கைகள் இல்லை எனக் கூறியுள்ளார்.

இந்நிலையில், தாங்கள் தாக்குதலில் பங்கெடுத்ததை தலிபான்கள் மறுத்துள்ளனர்.