இங்கிலாந்தில் மன்னரின் பிறந்த நாளில் இந்தியர்களுக்கும் சிறப்பு விருது

இங்கிலாந்து மன்னர் 3-ம் சார்லஸ்   நவம்பர் மாதம் 14-ந் திகதி தனது 75-வது பிறந்த நாளை கொண்டாடுகிறார். அவர் மன்னராக முடிசூட்டிக் கொண்ட பிறகு கொண்டாடும் முதல் பிறந்த நாள் இதுவாகும்.

எனவே மன்னரின் பிறந்த நாளை கோலாகலமாக கொண்டாட முடிவு செய்யப்பட்டுள்ளது.

இங்கிலாந்தில் மன்னரின் பிறந்தநாளை முன்னிட்டு மருத்துவம் உள்பட பல்வேறு துறைகளில் சிறப்பான பங்களிப்பை வழங்கியவர்களுக்கு விருது வழங்கி கௌரவிப்பது வழக்கமாக உள்ளது.

அந்த வகையில் இந்த ஆண்டு விருதுக்கு பரிந்துரைக்கப்பட்டவர்களின் பட்டியலை இங்கிலாந்து அரசு வெளியிட்டுள்ளது.

இந்த பட்டியலில் மொத்தம்  ஆயிரத்து 171 பேர் பரிந்துரைக்கப்பட்டுள்ளனர். இதில், இந்திய வம்சாவளி டொக்டர்கள் தொழிலதிபர்கள் மற்றும் சமூக செயற்பாட்டாளர்கள் 40-க்கும் மேற்பட்டோர் இடம் பெற்றுள்ளமை குறிப்பிடத்தக்கது.