‘உக்ரேனிய அணு உலைக்கு வெளியே கடும் மோதலால் தீ’

ஐரோப்பாவிலுள்ள பாரிய அணு உலையிலுள்ள பயிற்சிக் கட்டடமொன்றில், ரஷ்ய மற்றும் உக்ரேனியப் படைகளுக்கிடையிலான கடும் மோதலின்போது தீயொன்று ஏற்பட்டுள்ளதாக உக்ரேனின் அரச அவசர சேவை இன்று தெரிவித்துள்ளது.

இந்நிலையில், ஸபொரிஸ்ஸாகியா உலையில் கதிரியக்க மட்டங்கள் அதிகரித்தமைக்கான எந்தவொரு குணங்குறிகளும் இல்லை என ஐக்கிய அமெரிக்க சக்திச் செயலாளர் ஜெனிஃபர் கிரன்ஹொல்ம் தெரிவித்துள்ளார். இவ்வுலையின் மூலமே உக்ரேனில் உற்பத்தி செய்யப்படுகின்ற மொத்த மின்னின் ஐந்திலொன்றுக்கும் மேற்பட்ட மின் உற்பத்தி செய்யப்படுகின்றது.