கலிபோர்னியாவில் 228 பேரை இன்னும் காணவில்லை

ஐக்கிய அமெரிக்காவின் கலிபோர்னிய மாநிலத்தில் தொடர்ச்சியாகப் பரவிவரும் காட்டுத் தீ காரணமாக உயிரிழந்தோரின் எண்ணிக்கை, 31ஆக உயர்வடைந்துள்ள அதேநேரத்தில், மேலும் 228 பேரை இன்னமும் காணவில்லை என, அதிகாரிகள் தெரிவிக்கின்றனர்.

கலிபோர்னியாவின் வடக்குப் பகுதியில் தொடர்ச்சியாக வீறுகொண்டு பரவிவரும் இத்தீ, இதுவரை வீடுகள், வணிக நிலையங்கள் என, 6,700க்கும் மேற்பட்ட சொத்துகளை அழித்துள்ளது. இதுவரை, 111,000 ஏக்கர் நிலப்பகுதிகள் அழிவடைந்துள்ளன.

மறுபக்கமாக தெற்குப் பகுதியில் தொடர்ச்சியாகத் தீ பரவிவரும் நிலையில், குறைந்தது 85,500 ஏக்கர் நிலப்பகுதி அழிவடைந்துள்ளது. சுமார் 180 வீடுகள், வணிக நிலையங்கள் ஆகியனவும் அழிவடைந்துள்ளன.