சமிக்ஞை சேமிப்பு திறன் கொண்ட சீன பலூன்

அட்லாண்டிக் பெருங்கடலில் அமெரிக்க இராணுவத்தால் சுட்டு வீழ்த்தப்பட்ட சந்தேகத்துக்குரிய சீன உளவு பலூன், நுண்ணறிவு சமிக்ஞை சேகரிப்பு நடவடிக்கைகளை நடத்தும் திறன் கொண்டது என்று அமெரிக்க வெளியுறவுத்துறையின் மூத்த அதிகாரியை மேற்கோள்காட்டி சீஎன்என் தெரிவித்துள்ளது.

ஐந்து கண்டங்களில் உள்ள 40 க்கும் மேற்பட்ட நாடுகளில் சீன பலூன் பறந்ததாகவும் அமெரிக்க தகவல் தொடர்புகளை கண்காணிக்கும் திறன் கொண்ட மின்னணு கண்காணிப்பு தொழில்நுட்பத்துடன் சீன பலூன் இயங்கி வருவதாக அமெரிக்க அரசாங்கம் உறுதி செய்துள்ளதாக அந்த அதிகாரி கூறியுள்ளார்.

சமிக்ஞை நுண்ணறிவு என்பது தகவல் தொடர்பு மற்றும் ரேடார் போன்ற மின்னணு வழிமுறைகள் மூலம் சேகரிக்கப்படும் தகவல் என்றும் சீனாவின் மக்கள் விடுதலை இராணுவம் பலூன்களை கண்காணிப்புக்காகப் பயன்படுத்தியது எங்களுக்குத் தெரியும் என்று அதிகாரியைமேற்கோள் காட்டி சிஎன்என் தெரிவித்தது.
 
சீனாவின் மக்கள் விடுதலை இராணுவத்துடன் இணைக்கப்பட்ட உற்பத்தியாளருடன் கண்காணிப்பு நடவடிக்கைகளை மேற்கொள்வதற்காக உருவாக்கப்பட்ட  ஒரு பகுதியே பலூன் என்று அமெரிக்க வெளியுறவுத்துறை அதிகாரி கூறியதாக சிஎன்என் அறிக்கையிட்டுள்ளது.

பலூன்கள் கருவிகள் "தெளிவாக உளவுத்துறை கண்காணிப்பு மற்றும் விமானத்தில் உள்ள உபகரணங்களுடன் ஒத்துப்போகவில்லை" என்று அந்த அதிகாரி கூறினார்.

பலூனின் சரியான பாதையை எங்களால் கண்காணிக்க முடியும். அதன் அருகில் எந்த நடவடிக்கைகளும் அல்லது உணர்திறன் மறைகுறியாக்கப்படாத தகவல்களும் நடத்தப்படாது என்பதை உறுதிப்படுத்த முடியும் என்று உயர் அதிகாரியொருவர் தெரிவித்துள்ளார்.

பலூனின் முக்கியமான தகவல் சேகரிப்புக்கு எதிராக அமெரிக்க இராணுவம் உடனடி நடவடிக்கைகளை எடுத்ததாக அந்த அதிகாரி கூறினார்.