ட்விட்டர் பயனாளர்களுக்கு நற்செய்தி

உலகின் மிகப்பெரும் செல்வந்தரும், டெஸ்லா ,ஸ்பேஸ் எக்ஸ் நிறுவனங்களின் ஸ்தாபகருமான எலோன் மஸ்க் (Elon musk), டுவிட்டரை அண்மையில் கைப்பற்றியதில் இருந்து  பல்வேறு  மாற்றங்களைச் செய்து வருகின்றார்.

குறிப்பாக டுவிட்டர் நிறுவனத்தின் முக்கிய பதவிகளில் கடமையாற்றிவரும் ஊழியர்கள் பலரை பணி நீக்கம் செய்த எலோன், ப்ளூ டிக் கட்டண உயர்வு, ஆட்கள் குறைப்பு, வருவாய் இரட்டிப்பு திட்டம் உள்ளிட்ட பல்வேறு நடவடிக்கைகளை முன்னெடுத்து வருகிறார்.

இதனையடுத்து டுவிட்டரில் கட்டணம் இல்லா  ட்விட்டர் பயனாளர்கள் தற்போது 280 எழுத்துக்களையும், கட்டணம் செலுத்திய ப்ளூ டிக் பயனாளர்கள் 4,000 எழுத்துக்களையும் பயன்படுத்தி ட்விட் செய்து வருகின்றனர்.

இந்நிலையில் ப்ளூ டிக் ட்விட்டர் பயனாளர்கள் விரைவில் 10,000 எழுத்துக்களைப்  பயன்படுத்தி ட்விட் செய்யும் வசதி அறிமுகப்படுத்தப்படவுள்ளதாக எலன் மஸ்க்  அறிவித்துள்ளார்.