பசு பாதுகாப்புக்காக அப்பாவிகளை வதைத்தால் சிறை

பசுக்களை பாதுகாக்கின்றோம் எனும் போர்வையில், அப்பாவி மக்களைத் தாக்கி, வன்முறையில் ஈடுபடும் பசு குண்டர்களுக்கு, 5 ஆண்டுகள் சிறைதண்டனை விதிக்கும் சட்டத் திருத்தத்தை, மத்தியப் பிரதேச அரசாங்கம் கொண்டு வரவுள்ளது.

இதன் பிரகாரம், பசுவதைத் தடுப்புச் சட்டம் 2004இல், திருத்தம் கொண்டு வருவதற்கு, மத்திய பிரதேச மாநில ஆளும் காங்கிரஸ், ஒப்புதல் அளித்துள்ளது. இதற்கான கோப்புகளில், முதலமைச்சர் கமல்நாத், கையொப்பமிட்டுள்ளதாகவும் தெரிவிக்கப்படுகின்றது.

பாரதிய ஜனதாக் கட்சி ஆட்சிக்கு வந்த பின்னர், பசுக்களை பாதுகாக்கின்றோம் என்ற போர்வையில், பல அப்பாவி மக்கள் மீது தாக்குதல் நடத்தும் சம்பவம், பல இடம்பெற்று வரும் நிலையிலேயே, இத்தீர்மானம் எடுக்கப்பட்டுள்ளது.

இதைத் தடுக்கும் பொருட்டு, ஒவ்வொரு மாவட்டம் தோறும் சிறப்பு பொிலஸ் அதிகாரிகளை நியமித்து கண்காணிக்க, உச்ச நீதிமன்றம், அனைத்து மாநில அரசாங்கங்களுக்கும் உத்தரவிட்டிருந்தது.

இந்நிலையில், ஜுலை மாதம் 8ஆம் திகதி ஆரம்பமாகவுள்ள மழைக்கால சட்டப் பேரவைக் கூட்டத் தொடரில், இந்தத் திருத்தம் கொண்டு வரப்படும் என்று தெரியவருகின்றது.