பற்றியெரிந்த பங்காபஜார்; 3,000 கடைகள் சேதம்

பங்களாதேஷின் தலைநகர் டாக்காவில் உள்ள பிரபலமான ஆடைச் சந்தையான பங்காபஜாரில் நேற்று முன்தினம்(04)அதிகாலை நேரத்தில் ஏற்பட்ட தீ விபத்தில் சுமார் 3,000 கடைகள் தீயில் எரிந்து நாசமாகின.

600 தீயணைப்பு வீரர்கள் மற்றும் இராணுவத்தினர் கொளுந்து விட்டெறிந்த தீயை அணைக்கும் பணியில் 6 மணி நேரமாக ஈடுபட்டு தீயை கட்டுப்படுத்தினர்.

 சிறிய அளவில் தடுப்புகளுக்கு இடையே அமைக்கப்பட்டுள்ள இக் கடைகளில் குறைந்த விலையில் ஆடைகள் கிடைக்கும் என்பதால் எப்போதும் அதிக சனநெரிசல் காணப்படுவதாகக் கூறப்படுகின்றது.

 மேலும் ரமலான் பண்டிகையை முன்னிட்டு ஒவ்வொரு கடையிலும் கூடுதலாக இருப்பு வைக்கப்பட்டிருந்ததால் வியாபாரிகள் கடுமையான நஷ்டத்தை சந்தித்துள்ளனர் எனவும் தெரிவிக்கப்பட்டுள்ளது.