வேலூர் தேர்தல் இரத்து

வேலூர் மக்களவைத் தொகுதியில், அதிகளவில் பணம் கைப்பற்றதையடுத்து, தேர்தல் ஆணையம் அந்தத் தொகுதிக்கான தேர்தலை இரத்துச் செய்துள்ளது.

பணம் கைப்பற்றலைத் தொடர்ந்து ஆலோசனை நடத்திய தேர்தல் ஆணையகம், குடியரசுத் தலைவரின் ஒப்புதலைப் பெற்று வேலூர் மக்களவைத் தொகுதி தேர்தலை இரத்துச் செய்துள்ளது.

வேலூர் மக்களவைத் தொகுதியில் தி.மு.க சார்பில், அக்கட்சியின் பொருளாளர் துரைமுருகனின் மகன் கதிர் ஆனந்த் வீட்டில் நடத்தப்பட்ட வருமான வரித்துறையினரின் சோதனையின் போது, ரொக்கப் பணம் சிக்கியமை, அவருடைய நெருங்கிய உறவினரின் வீட்டில் பணம் பறிமுதல் செய்யப்பட்டமையை அடுத்து, அவர்களுக்கு எதிராக, வழக்குத் தாக்கல் செய்யப்பட்டிருந்தது.

இதையடுத்து மேற்கொள்ளப்பட்ட கலந்துரையாடலின் போதே, இந்தத் தேர்தலை இரத்து செய்வது என, முடிவெடுக்கப்பட்டுள்ளது