பிரித்தானியாவைச் தலைமையிடமாகக் கொண்டு இயங்கும் பிரபல  பன்னாட்டு நுகர்ப்பொருள் தயாரிப்பு நிறுவனமான “யுனிலீவர்“ 1500 ஊழியர்களை பணியில் இருந்து நீக்குவதாக அறிவித்துள்ளது.

இந் நிறுவனத்தை மறு சீரமைப்பு செய்வதற்காகவே  நிர்வாகப்பிரிவில் உள்ள மூத்த பணியாளர்கள் 15% பேர் மற்றும் இளநிலை பணியாளர்கள் 5% பேரை பணியிலிருந்து நீக்கத்  தீர்மானித்துள்ளதாகத் தெரிவிக்கப்பட்டுள்ளது.

இது குறித்து அந்நிறுவனத்தின் இணையதளப்பக்கத்தில், அதன் தலைமை செயல் அதிகாரியான அலன் ஜாப் தெரிவித்திருப்பதாவது, இந்த நடவடிக்கை மறு ஆலோசனை செய்யப்படும். வீட்டு உபயோக பொருட்கள், ஐஸ்கிரீம், ஊட்டச்சத்து பொருட்கள், அழகு சாதனங்கள் தயாரிப்பு போன்ற நிறுவனத்தின் உற்பத்தி பொருட்கள் பிரிக்கப்பட்டிருக்கிறது.

இதனால் நுகர்வோருக்கு சிறந்த சேவையை கொடுக்க முடியும் என்றும் தெரிவித்துள்ளமை குறிப்பிடத்தக்கது.