இறுதிப் போட்டியில் பிளையிங்க் ஹோர்ஸ், ஹொலி ஹீரோஸ்

- நூருல் ஹுதா உமர்

சமூக சேவையாளரும் பொறியியலாளருமான உதுமான் கண்டு நாபீரின் வழிகாட்டலில் நாபீர் பவுண்டேசன் அனுசரணையுடன் சாய்ந்தமருது கிரிக்கெட் சங்கத்தால் சாய்ந்தமருது பொது விளையாட்டு மைதானத்தில் நடாத்தப்படும் உதுமான் கண்டு ஞாபகார்த்த கிண்ணத் தொடரின் இறுதிப் போட்டிக்கு சாய்ந்தமருந்து பிளையிங்க் ஹோர்ஸ், ஹொலி ஹீரோஸ் ஆகியன தகுதி பெற்றுள்ளன.

இத்தொடரின் முதலாவது அரையிறுதிப் போட்டியில், சாய்ந்தமருது பீமா விளையாட்டுக் கழகத்தை வென்று பிளையிங்க் ஹோர்ஸ் இறுதிப் போட்டிக்குத் தகுதி பெற்றதுடன், இரண்டாவது அரையிறுதிப் போட்டியில் சாய்ந்தமருது பைன் ஸ்டார் விளையாட்டுக் கழகத்தை வென்று ஹொலி ஹீரோஸ் இறுதி போட்டிக்கு தகுதி பெற்றது.

தொடரின் இறுதிப் போட்டியானது அடுத்த மாத முற்பகுதியில் இடம்பெற உள்ளமை குறிப்பிடத்தக்கது.