சம்பியனானது கரவெட்டி பிரதேச செயலகம்

யாழ்ப்பாண மாவட்ட பிரதேச செயலகங்களுக்கிடையிலான ஆண்களுக்கான மென்பந்தாட்ட கிரிக்கெட் தொடரில் கரவெட்டி பிரதேச செயலகம் சம்பியனானது.

கல்வியங்காடு ஸ்ரீ ஞானபாஸ்கரா விளையாட்டு மைதானத்தில் அண்மையில் நடைபெற்ற இத்தொடரின் இறுதிப் போட்டியில் உடுவில் பிரதேச செயலகத்தை வென்றே கரவெட்டி பிரதேச செயலகம் சம்பியனானது.

10 ஓவர்கள் கொண்ட இத்தொடரில்முதலில் துடுப்பெடுத்தாடிய கரவெட்டி பிரதேச செயலகம், 10 ஓவர்களில் 74 ஓட்டங்களைப் பெற்றது. துடுப்பாட்டத்தில், அனுரதன் 28, கோகுலன் 11 ஓட்டங்களைப் பெற்றனர்.

பதிலுக்கு, 75 ஓட்டங்களை வெற்றியிலக்காகக் கொண்டு துடுப்பெடுத்தாடிய உடுவில் பிரதேச செயலகம், 10 ஓவர்களில் ஏழு விக்கெட்டுகளை இழந்து 56 ஓட்டங்களைப் பெற்று 18 ஓட்டங்களால் தோல்வியடைந்தது.