வட மாகாண வல்லவன்: சுப்பர் 8இல் பலாலி விண்மீன்

பருத்தித்துறை கால்பந்தாட்ட லீக்கின் அனுமதியுடன், வல்வெட்டித்துறை நெற்கொழு கழுகுகள் விளையாட்டுக் கழகம், தனது மைதானத்தில் நடாத்தி வரும் இவ்வருடத்துக்கான வட மாகாண வல்லவன் தொடரின் சுப்பர் 8 சுற்றுக்கு மூன்றாவது அணியாக பலாலி விண்மீன் விளையாட்டுக் கழகம் தகுதி பெற்றுள்ளது.

விண்மீன் விளையாட்டுக் கழகத்துக்கும் கருணையம்பதி கொலின்ஸ் விளையாட்டுக் கழகத்துக்குமிடையிலான நான்காவது சுற்றுப் போட்டியில், 3-1 என்ற கோல்கணக்கில் வெற்றி பெற்ற விண்மீன் விளையாட்டுக் கழகம், சுப்பர் 8 சுற்றுக்கு தகுதி பெற்றது. இப்போட்டியில், விண்மீன் சார்பாக டேமியன் இரண்டு கோல்களையும் காண்டீபன் ஒரு கோலினையும் பெற்றதோடு, கொலின்ஸ் சார்பாக பெறப்பட்ட கோலை சசி பெற்றிருந்தார்.

இப்போட்டியின் நாயகனாகத் தெரிவான டேமியனுக்கான பதக்கம், பணப்பரிசினை ஹாட்லிக் கல்லூரி ஆசிரியர் வசந்தகுமார் வழங்கி வைத்தார்.