வென்றது கிளியூர் கிங்ஸ்

வடக்கு கிழக்கு பிறீமியர் லீக்கில், யாழ். கம்பர்மலை கழுகுகள் மைதானத்தில் நேற்று  இடம்பெற்ற நொதேர்ண் எலைட் அணியுடனான போட்டியில் 4-1 என்ற கோல் கணக்கில் கிளியூர் கிங்ஸ் அணி வென்றது. கிளியூர் கிங்ஸ் சார்பாக, கே. தேனுஷன், மைக்கல் ஆகியோர் தலா இரண்டு கோல்களைப் பெற்றனர். நொதேர்ண் எலைட் சார்பாகப் பெறப்பட்ட கோலை ஐ. தனுஸன் பெற்றிருந்தார்.

இதேவேளை, நேற்று முன்தினம் இடம்பெற்ற போட்டியில், அடிக்கிக், றமேஸ், இஸாதீன் ஆகியோர் பெற்ற கோல்களுடன் மன்னார் அவெஞ்சர்ஸ் அணியை மன்னார் கால்பந்தாட்ட கழக அணி 3-0 என்ற கோல் கணக்கில் வென்றிருந்தது.