மென்பந்தாட்ட கிரிக்கெட் போட்டியில் மைக்கல் அணி வெற்றி

-குணசேகரன் சுரேன்

கரவெட்டி பிரதேச இளைஞர் விளையாட்டு கழகங்களுக்கிடையில் இடம்பெற்ற மென்பந்தாட்ட கிரிக்கெட் போட்டியொன்றில் மாலுசந்தி மைக்கல் விளையாட்டுக்கழகம் 4 விக்கெட்டுக்களால் வெற்றிபெற்றது.

ஆண்களுக்கான கிரிக்கெட் போட்டிகள் மைக்கல் விளையாட்டுக்கழகத்தில் கடந்த ஞாயிற்றுக்கிழமை (15) நடைபெற்றன. மொத்தமாக 23 அணிகள் இந்தச் சுற்றுப்போட்டியில் கலந்துகொண்டன. அணிக்கு 6 பேர் 5 ஓவர்கள் கொண்ட போட்டியாக நடைபெற்றன.

இறுதிப்போட்டியில் மைக்கல் இளைஞர் விளையாட்டுக்கழக அணியை எதிர்த்து கொம்பாந்துறை இளைஞர் விளையாட்டுக்கழக அணி மோதியது.

முதலில் துடுப்பெடுத்தாடிய கொம்பாந்துறை அணி 5 ஓவர்களில் 30 ஓட்டங்களைப் பெற்றது. பதிலுக்கு துடுப்பெடுத்தாடிய மைக்கல் அணி 3.1 ஓவர்களில் 1 விக்கெட்டுக்களை இழந்து வெற்றியிலக்கை அடைந்தது.