அட்டாளைச்சேனை மத்திய மகாவித்தியாலயம் சம்பியன்

-எஸ்.எம்.அறூஸ்

அக்கரைப்பற்று கல்வி வலயப் பாடசாலைகளுக்கிடையிலான 17 வயதுக்குட்பட்ட கரப்பந்தாட்ட சுற்றுப்போட்டியில் அட்டாளைச்சேனை  மத்திய மகாவித்தியாலயம் சம்பியனாகியது.

அக்கரைப்பற்று அல்-பாயிஸா வித்தியாலயத்துக்கும் அட்டாளைச்சேனை மத்திய மகா வித்தியாலயத்துக்கும் (தேசிய பாடசாலை) இடையிலான  கரப்பந்தாட்ட சுற்றுப் போட்டியின் இறுதிப்போட்டி, நேற்று வெள்ளிக்கிழமை (20) அட்டாளைச்சேனை பொது விளையாட்டு மைதானத்தில் நடைபெற்றது.

இப்போட்டியில்   2-0 என்ற  புள்ளிகள் வித்தியாசத்தில் அட்டாளைச்சேனை மத்திய மகாவித்தியாலயம் வெற்றி பெற்று சம்பியனாகத் தெரிவு செய்யப்பட்டுள்ளது.

இரண்டாமிடத்தை அக்கரைப்பற்று அல்-பாயிஸா வித்தியாலயம் பெற்றுக்கொண்டது.

அட்டாளைச்சேனை மத்திய மகா வித்தியாலயத்தின்  உடற்கல்வி பொறுப்பாசிரியர்களான ஏ.எம்.அப்ராஜ் ரிலா,எம்.ஐ.எம்.அஸ்மி, ஏ.ஜீ.பிர்னாஸ், எம்.ஐ.சிமாலைன், பௌசுல் அமீன் ஆகியோரது  பயிற்சியின் கீழ் அட்டாளைச்சேனை மத்திய மகா வித்தியாலயம்  சிறந்த பெறுபேறுகளைப் பெற்று வருவது குறிப்பிடத்தக்கதாகும்.