போல்டன், நியூ ஸ்டார்ஸ் அணிகளுக்கிடையிலான போட்டி சமநிலையில்

-எம்.யூ.எம்.சனூன்

புத்தளம் போல்டன் அணிக்கும் புத்தளம் நியூ ஸ்டார்ஸ் அணிக்குமிடையில் நடைபெற்ற கால்பந்தாட்ட போட்டியில் இரு அணிகளும் தலா ஒவ்வொரு கோல்களை பெற்றுக்கொண்டதால் போட்டி சமநிலையில் நிறைவடைந்துள்ளது.

புத்தளம் கால்பந்தாட்ட லீக் நடாத்தும் புள்ளிகள் அடிப்படையிலான கால்ப்பந்தாட்ட தொடருக்கான இவ் ஆட்டமானது புத்தளம் சாகிரா தேசிய கல்லூரி மைதானத்தில் வெள்ளிக்கிழமை (03) மாலை இடம்பெற்றது.

நியூ ஸ்டார்ஸ் அணிக்காக எம்.என்.எம். சர்பான் ஒரு கோலினையும் போல்டன் அணிக்காக எம். இஹ்திசாம் ஒரு கோலினையும் பெற்றனர். இதன் மூலம் இரு அணிகளும் தலா ஒவ்வொரு புள்ளியை பெற்றுக்கொண்டன.

போட்டிக்கு நடுவர்களாக எம்.ஓ. எம். ஜாகீர், எம்.எஸ்.எம். நௌபி, ஏ.ஏ.எம். கியாஸ் ஆகியோர் கடமையாற்றினர்.