சில்வர் லயன்ஸ் அணி சம்பியன்

-செல்வநாயகம் கபிலன்

அச்சுவேலி மத்திய விளையாட்டுக் கழகம் வலிகாமம் கிழக்கு பிரதேச சபைக்குட்பட்ட அணிகளுக்கிடையில் நடத்திய 5 ஓவர்கள் மட்டுபடுத்தப்பட்ட அணிக்கு 6 பேர் கொண்ட மென்பந்து கிரிக்கெட் போட்டியில் சில்வர் லயன்ஸ் அணி சம்பியனாகியது.

இந்தச் சுற்றுப்போட்டியில் 8 அணிகள் பங்குபற்றின, லீக் முறையில் போட்டிகள் நடைபெற்று, பிளே ஓவ் சுற்றுக்கு 4 அணிகள் தெரிவாகின.

பிளேவ் சுற்றிலிருந்து இறுதியாட்டத்துக்கு சில்வர் லயன்ஸ் அணியும் ரெட் ரைநோஸ் அணியும் தெரிவாகின. இறுதிப்போட்டி அச்சுவேலி மத்திய விளையாட்டுக்கழக மைதானத்தில் திங்கட்கிழமை (27) நடைபெற்றது.

நாணய சுழற்சியில் வெற்றி பெற்ற சில்வர் லயன்ஸ் அணி, முதலில் துடுப்பெடுத்தாடக் களமிறங்கி, 5 ஓவர்களில் ஒரு விக்கெட்டை இழந்து 69 ஓட்டங்களைப் பெற்றது. பதிலுக்குத் துடுப்பெடுத்தாடிய ரெட் ரைநோஸ் அணி, 4 ஓவர்களில் 38 ஓட்டங்களுக்குச் சகல விக்கெட்களையும் இழந்து, தோல்வியடைந்தது.