பிரதேச மட்ட விளையாட்டில் களுதாவளை முதலிடம்

-வடிவேல் சக்திவேல்

மட்டக்களப்பு, மண்முனை தென் எருவில் பற்று பிரதேச செயலக விளையாட்டு விழாவில் களுதாவளை முதலாமிடத்தை பெற்றுக்கொண்டது.

மண்முனை தென் எருவில் பற்று பிரதேச செயலக விளையாட்டு விழா, களுதாவளை பொது விளையாட்டு மைதானத்தில் செவ்வாய்க்கிழமை (12)  மாலை நடைபெற்றது.

மண்முனை தென் எருவில் பற்று பிரதேச மட்ட விளையாட்டு விழாவில் முதலிடத்தை களுதாவளை கெனடி விளையாட்டு கழகமும் இரண்டாம் இடத்தை செட்டியாளையம் நியூட்டன் விளையாட்டுக் கழகமும் பெற்றுக்கொண்டன.

களுதாவளை கெனடி விளையாட்டுக் கழகம், ஆண்கள் அணி 71 புள்ளிகளையும் பெண்கள் அணி 67 புள்ளிகளையும் பெற்று மொத்தமாக 138 புள்ளிகளையும் செட்டிபாளையம் நியூட்டன் விளையாட்டுக்கழகம் பெண்கள் அணி 74 புள்ளிகள் ஆண்கள் அணி 51 புள்ளிகள் பெற்று  மொத்தமாக 125 புள்ளிகளையும் பெற்றுக்கொண்டது.