உயிரிழந்தவரின் வீட்டிலிருந்து துப்பாக்கி, ரவைகள் மீட்பு

பிலியந்தலை பிரதேசத்தில்,  சுற்றாடல் ஆர்வலராக பணியாற்றிய, தற்போது உயிரிழந்துள்ள ஒருவரின் வீட்டில் இருந்து டி 56  ரக துப்பாக்கி, 4 மகசீன்கள், 116 துப்பாக்கி ரவைகள் மற்றும் மோட்டார் ரவையொன்று  மீட்கப்பட்டுள்ளதாக கெஸ்பேவ பொலிஸார் தெரிவித்தனர்.

சுற்றாடல் செயற்பாட்டாளரின் மகன் பொலிஸாரிடம் செய்த முறைப்பாட்டின் பிரகாரம், பிலியந்தலை ஹொயன வீதியில்  அமைந்துள்ள அவரது வீட்டில் மேற்கொள்ளப்பட்ட சோதனையின் போது வீட்டின் இயந்திர அறையில் இருந்து இந்த ஆயுதத் தொகை மீட்கப்பட்டுள்ளது .

குறித்த ஆயுதங்கள் அவ் இடத்திற்கு எவ்வாறு வந்தது , இந்த ஆயுதங்களை யாரேனும் இந்த இடத்திற்கு கொண்டு வந்திருக்க முடியுமா என்பது தொடர்பில் விசாரணைகள் மேற்கொண்டு வருவதாக  பொலிஸார் தெரிவித்துள்ளனர் .