ஐஸ் வைத்திருந்த கான்ஸ்டபிள் கைது

ஐஸ் போதைப்பொருளை வைத்திருந்த குற்றச்சாட்டின் பேரில் பொலிஸ் கான்ஸ்டபிள் ஒருவரை மொரட்டுவை கிளாடியஸ் மாவத்தையில் வைத்து மொரட்டுவை தலைமையக பொலிஸார் கைது செய்துள்ளனர்.

ஹட்டன் தலைமையக பொலிஸ் பிரிவில் கடமையாற்றும் 21 வயதுடைய பயிலுனர் பொலிஸ் கான்ஸ்டபிள் ஒருவரே இவ்வாறு கைது செய்யப்பட்டதாக பொலிஸார் தெரிவித்துள்ளனர்.

ஹொரணை பிரதேசத்தை சேர்ந்த மேற்படி  பொலிஸ் கான்ஸ்டபிள், ஐஸ் போதைப்பொருளுக்கு அடிமையானவரா என்பது தொடர்பில் விசாரணைகளை மேற்கொண்டு வருவதாக பொலிஸார் குறிப்பிட்டுள்ளனர்.