நீர்கொழும்பில் புதிதாக 38 பேருக்கு கொரோனா

எம்.இஸட். சாஜஹான்

நீர்கொழும்பு பல்நோக்கு கூட்டுறவு சங்க பிரதான நிலையத்தில் பணியாற்றும் 38 பேருக்கு கொரோனா தொற்று ஏற்பட்டுள்ளதாக, பொது சுகாதாரப் பரிசோதகர் சோலங்க தெரிவித்தார். 

முன்னதாக  10 பேருக்கு மேற்கொள்ளப்பட்ட அன்டிஜன் பரிசோதனையின்போது, 5 பேருக்கு கொரோனா தொற்று உறுதிசெய்யப்பட்டது.

பின்னர் அங்கு பணியாற்றும் 140 பேருக்கு  ஐந்து தினங்களுக்கு முன்னர்  பிசிஆர் பரிசோதனை மேற்கொள்ளப்பட்டது.

இவர்களில் மொத்தமாக 38 பேருக்கு தொற்று இருப்பது தற்போது உறுதியாகியுள்ளது.

நீர்கொழும்பு பொதுச் சுகாதாரப் பிரிவில் இதுவரை 472 பேர் கொரோனா தொற்றினால் பாதிக்கப்பட்டுள்ளனர்