பொலிஸ் பிடியிலிருந்து தப்பி மீண்டும் கைது

ஹெரோயின் போதைப்பொருளுடன் கைது செய்யப்பட்ட பெண்ணொருவர் குருநாகல் பொலிஸாரிடம் இருந்து தப்பிச் சென்று மோதரை பிரதேசத்தில் உள்ள வீடொன்றில் பதுங்கியிருந்த நிலையில் குருநாகல் பொலிஸாரால் கைது செய்யப்பட்டுள்ளார்.

குறித்த பெண்ணிடமிருந்து கடந்த சில நாட்களுக்கு முன்னர் குருநாகல் பொலிஸாரால் 7 கிராம் ஹெரோயின் வைத்திருந்த குற்றச்சாட்டில் கைது செய்யப்பட்டு சட்ட நடவடிக்கைகளுக்காக தடுத்து வைக்கப்பட்டிருந்த போது பொலிஸ் பிடியில் இருந்து தப்பிச் சென்றுள்ளார்.

கைது செய்யப்பட்ட பெண் குருநாகல் வவ்கல பிரதேசத்தைச் சேர்ந்த (24) வயதுடையவர் என பொலிஸார் தெரிவித்துள்ளனர்.

இந்தநிலையில் அப்பெண்  குருநாகல் பகுதியில் உள்ள வீடொன்றில் பதுங்கியுள்ளதாக கிடைத்த தகவலின் அடிப்படையில் அவர் கைது செய்யப்பட்டுள்ளார்.