பலாங்கொடையில் நிலஅதிர்வு

பலாங்கொடை நகரின் சில பகுதிகளில், இன்று ஞாயிற்றுக்கிழமை பிற்பகல் நிலஅதிர்வு உணரப்பட்டுள்ளது. நகரை அண்மித்துள்ள வெலிகேபொல, மஹாவலதென்ன, தம்மன, இம்புல்லே ஆகிய பகுதிகளிலும் சிறிதாக உணரப்பட்டதாகவும் அங்கிருந்து கிடைத்த தகவல்கள் தெரிவித்தன.

இந்த நிலஅதிர்வு தொடர்பில் இடர் முகாமைத்துவ மத்திய நிலையம், விசாரணைகளை ஆரம்பித்துள்ளது எனவும் பலாங்கொடை நகரிலேயே இந்த நில அதிர்வு உணரப்பட்டுள்ளதாகவும் மேற்படி மத்திய நிலையத்தின் உதவித் தலைவர் பிரதீப் கொடிப்பிலி தெரிவித்தார்.