புதிய விசா நடைமுறை

(ஜமீலா நஜ்முதீன்)

நாட்டில் வந்திறங்கியபின் விசா பெற்றுக்கொள்ளும் நடைமுறையை சிங்கப்பூர் மற்றும் மாலைதீவு தவிர்ந்த ஏனைய நாட்டினருக்கு செப்டெம்பர் 30 ஆம் திகதி முதல் நீக்கப்படும் என குடிவரவு, குடியகல்வுத் திணைக்களத்தின் கட்டுப்பாட்டுப் பணிப்பாளர் டபிள்யூ.ஏ.சி. பெரேரா டெய்லி மிரர் இணையத்தளத்திற்கு தெரிவித்தார்.

இதனால் சுமார் 70 நாடுகளிலிருந்து இலங்கைக்கு வரும் பயணிகள் இலங்கைக்கு வரும் முன்னரே கொழும்பிலுள்ள குடிவரவுத் திணைக்களத்தில் அல்லது வெளிநாடுகளிலுள்ள இலங்கைத் தூதரகங்களில் விசா பெற்றுக்கொள்ள வேண்டியிருக்கும் என அவர் கூறினார்.

எனினும் எந்தவொரு நாடும் வந்தடைந்தவுடன் விசா வழங்கும் திட்டத்தை இலங்கையர்களுக்கு வழங்கினால் அந்த நாட்டினருக்கு இலங்கையும் அவ்வாறு விசா வழங்கும் எனவும் அவர் மேலும் கூறினார். (DM)