லண்டனில் துப்பாக்கிப் பிரயோகம்: இலங்கைச் சிறுமி காயம்

5 வயதான இலங்கைச் சிறுமியொருத்தியை துப்பாக்கியால் சுட்ட குழுவினரை கைது செய்ய உதவுபவர்களுக்கு 50,000 ஸ்ரேலிங் பவுண் சன்மானம் வழங்குவதாக பிரிட்டனிலுள்ள கடை உரிமையாளர்கள் பலர் அறிவித்துள்ளனர்.

தெற்கு லண்டன் ஸ்டொக்வெல் பிராந்தியத்திலுள்ள கடையொன்றில் கடந்த செவ்வாய்க்கிழமை இச்சம்பவம் இடம்பெற்றது.
33,000 கடைகளை பிரதிநிதித்துவப்படுத்தும் கடை உரிமையாளர்கள் சங்கத்தைச் சேர்ந்த ஜேம்ஸ் லோவ்மன் இது தொடர்பாக கூறுகையில், இச்சம்பவத்திற்கு பொறுப்பானவரை கைதுசெய்வதற்கு பொலிஸாருக்கு உதவ நாம்  விரும்புகிறோம். அதற்கு இந்நிதி பங்களிப்புச் செய்யும் என நம்புகிறோம் என கூறியுள்ளார்.

துரத்திச் செல்லப்பட்ட இரு இளைஞர்கள் அக்கடைக்குள் புகுந்ததாகும் மேற்படி குழுவைச் சேர்ந்த ஒருவர் துரத்திச் சென்ற மேற்படி குழுவைச் சேர்ந்த நபர் ஒருவர் கடையில் துப்பாக்கிப் பிரயோகம் செய்தார். அதனால் இலங்கையைச் சேர்ந்த 5 வயதான சிறுமியான துர்ஷா நெஞ்சில் காயமடைந்தார்.

3 அவசர சத்திரசிகிச்சைகள் செய்யப்பட்ட அச்சிறுமி நேற்று கண்விழித்ததாக  அறிவிக்கப்பட்டுள்ளது.