இந்திய கப்பல்கள் இலங்கை வருகை

இந்தியக் கரையோர ரோந்துக் கப்பல்களான சி.ஜி.எஸ். (CGS) சமர் மற்றும் அரய்மன் ஆகிய கப்பல்கள், இலங்கைக்கு வருகைத்தரவுள்ளன.

இந்தக் கப்பல்கள், நாளை முதல்  7 ஆம் திகதி  வரை இலங்கைக் கடற்பரப்பில் தரித்து நிற்கும் என்று, இலங்கைக்கான இந்திய உயர்ஸ்தானிகராலயம் தெரிவித்துள்ளது.

இந்திய-இலங்கை-மாலைதீவு முத்தரப்பு ரோந்துப் பயிற்சி,  மாலைதீவிலுள்ள  ‘டோஸ்டி’யில் கடந்த 25ஆம் திகதி தொடக்கம் 29 வரை நடைபெற்றது. இதன்  பின்னர் மேற்படி ரோந்துக் கப்பல்கள், கொழும்புக்கு வருகைத்தரவுள்ளன. இலங்கையில் கப்பல்கள் தரித்து நிற்கும் போது, அவை காலிக்கும் விஜயம் செய்யவுள்ளன.