’இரவில் பலத்த மழை பெய்வதற்கான சாத்தியம்’

நாட்டில் தற்பொழுது நிலவி வரும் ​மழையுடனான  வானிலையின் காரணமாக, இன்று (02) இரவு முதல், பலத்த மழை பெய்வதற்கான சாத்தியம் காணப்படுவதாக வளிமண்டலவியல் திணைக்களம் எதிர்வுக்கூறியுள்ளது.

இதன்படி கிழக்கு, வடகிழக்கு மற்றும் மேல் மாகாணங்களின் சில பிரதேசங்களில் இன்று இரவு தொடக்கம் மழை அல்லது இடியுடன் கூடிய  மழை பெய்யுமெனத் தெரிவிக்கப்பட்டுள்ளதோடு, மத்திய, சப்ரகமுவ ஆகிய மாகாணங்களில் காலை வேளையில் பனிமூட்டம் காணப்படுமெனவும் ​ தெரிவிக்கப்பட்டுள்ளது.

அத்தோடு கொழும்பிலிருந்து புத்தளம் வரையிலும் உள்ள கடற்கரையோர பிரதேசங்கள் மற்றும் காலியிலிருந்து மாத்தறை ஊடாக ஹம்பாந்தோட்டை பொத்துவில் ஆகிய கடற்கரை பிரதேசங்களிலும் காற்றின் வேகம் 45 தொடக்கம் 50 கிலோமீற்றர் வரை அதிகரித்து காணப்படுமென, மேலும் தெரிவிக்கப்பட்டுள்ளது.