இராணுவத் தளபதியின் இன்னுமோர் கோரிக்கை

தனிமைப்படுத்தல் ஊரடங்கு உத்தரவு விதிப்பதன் மூலம்  கொவிட் வைரஸ் பரவுவதைக் கட்டுப்படுத்த எடுக்கப்பட்ட நடவடிக்கைகளுக்கு அனைத்து குடிமக்களும் முழு ஆதரவை வழங்குமாறு இராணுவத் தளபதி ஜெனரல் ஷவேந்திர சில்வா கோரிக்கை விடுத்துள்ளார்.

ஊரடங்கு காலத்தில் அத்தியாவசிய சேவைகள் மட்டுமே அனுமதிக்கப்படும் என்றும், அத்தியாவசிய சேவைகளுக்கு அரசாங்கம் வழங்கும் சலுகையை தவறாகப் பயன்படுத்த வேண்டாம் என்று அனைவரையும் இராணுவத் தளபதி கேட்டுக்கொண்டார்.

இதற்கிடையில், தனிமைப்படுத்தல் ஊரடங்கு உத்தரவை அமுல்படுத்தும் மற்றொரு முக்கிய நோக்கம், இதுவரை தடுப்பூசி பெறாத 60 வயதுக்கு மேற்பட்டவர்களை அடையாளம் கண்டு வழிநடத்துவதாகும் என்றும் குறிப்பிட்டார்.