இராணுவ சிப்பாய்கள் கைது

ரி - 56 ரக துப்பாக்கிகள் இரண்டு மற்றும் துப்பாகிகளின் பாகங்களுடன் கைதுசெய்யப்பட்ட இராணுவ சிப்பாய்கள் இருவரும் இன்றைய தினம் மீண்டும் குருநாகல் நீதிமன்றில் முன்னிலைப்படுத்தப்படவுள்ளனர்.

சந்தேக நபர்களை நேற்றைய தினம் நீதிமன்றில் முன்னிலைப்படுத்திய போது, அவர்களை 48 மணித்தியாலங்கள் தடுத்து வைத்து விசாரணை செய்வதற்கு அனுமதி வழங்கப்பட்டிருந்தது.

குருநாகல் பகுதியில் வைத்து நேற்று முன்தினம் 11.40 மணியளவில் குறித்த நபர்கள் கைதுசெய்யப்பட்டிருந்தனர்.

அதன்போது, சந்தேக நபர்கள் பயணித்த மோட்டார் சைக்கிளில் இருந்து ரி -56 ரக துப்பாக்கி மற்றும் 10 ரவைகள் கைப்பற்றப்பட்டன.

இரத்தினபுரி மற்றும் கேகாலை பகுதிகளை சேர்ந்த 46 மற்றும் 37வயதுடைய இரண்டு சிப்பாய்களே இவ்வாறு கைதுசெய்யப்பட்டுள்ளனர்.

அத்துடன், சந்தேக நபர்களின் வீடுகளில் நேற்றைய தினம் முன்னெடுக்கப்பட்ட சோதனையின் போது, அதிகளவான வெடிப்பொருட்கள் மீட்கப்பட்டதாக பொலிஸார் தெரிவித்துள்ளனர்.