இலங்கையில் நடைபெறுவது 'கொத்துரொட்டி அபிவிருத்தி'

பாநூ கார்த்திகேசு

“எதிர்வரும் 2017ஆம் ஆண்டுக்கான வரவு - செலவுத் திட்டமானது, கனவுப் பட்டம் போன்றது. நாட்டில் முன்னெடுக்கப்பட்டுவரும் அபிவிருத்தி நடவடிக்கைகள், பாரியளவில் ஆரவாரத்துடன் தயாரிக்கப்படும் கொத்தும் காணப்பட்டாலும், அபிவிருத்தியென்ற ஒன்றும் இல்லை. நாட்டின் பொருளாதாரமும், இடியப்பச் சிக்கலாகியுள்ளது" என ஒன்றிணைந்த எதிரணியின் நாடாளுமன்ற உறுப்பினர் பந்துல குணவர்தன தெரிவித்தார்.  

கொழும்பு, புஞ்சிபொரளையில் நேற்றுச் செவ்வாய்க்கிழமை (04) இடம்பெற்ற செய்தியாளர் மாநாட்டில் கலந்துகொண்டு உரையாற்றும் போதே, அவர் மேற்கண்டவாறு தெரிவித்தார்.  அங்கு தொடர்ந்து உரையாற்றிய அவர், "வெளிநாட்டு தனியார் நிறுவனங்களின் முதலீட்டை அடிப்படையாகக் கொண்டே, இரண்டு வாரங்களுக்குள் வரவு - செலவுத் திட்டத்தினை முன்வைக்க, பிரதமர் ரணில் விக்கிரமசிங்க முயல்கிறார். ஆனால், அது நடக்காத காரியம்" என்றார்.