எதிர்க்கட்சித் தலைவர் வேண்டும்: த.தே.கூ தீர்மானம்

தமிழ்த் தேசியக் கூட்டமைப்பின் தலைவரும் திருகோணமலை மாவட்ட நாடாளுமன்ற உறுப்பினருமான இரா. சம்பந்தனுக்கு எதிர்க்கட்சித் தலைவர் பதவி வழங்கவேண்டும் என்று தீர்மானம் நிறைவேற்றப்பட்டுள்ளது.
நேற்று இடம்பெற்ற தமிழ் தேசியக் கூட்டமைப்பின் நாடாளுமன்ற குழுக் கூட்டத்திலேயே இந்த தீர்மானம் நிறைவேற்றப்பட்டது.

இந்தக் கூட்டத்தில் இரா. சம்பந்தன்,  தமிழ் தேசியக் கூட்டமைப்பின் நாடாளுமன்றக் குழுவின் தலைவராக தெரிவு செய்யப்பட்டார்.  

நேற்றைய கூட்டத்தில் பின்வரும் நியமனங்களும் நிறைவேற்றப்பட்டன.

கட்சியின் கொறடா  - தர்மலிங்கம் சித்தார்த்தன்.  (பா.உ)
நாடாளுமன்ற குழுச் செயலாளர் - சிவஞானம் சிறீதரன் (பா.உ)
தமிழ் தேசிய கூட்டமைப்பின் பேச்சாளர் - ம. ஆ. சுமந்திரன் (பா.உ)