‘ எந்தத் தேர்தலுக்கும் நாம் தயார்’

ஜனாதிபதித் தேர்தலோ அல்லது பொதுத் தேர்தலோ எந்தத் தேர்தலுக்கும் முகங்கொடுக்க தமது தரப்பு தயாராகவிருப்பதாக நாடாளுமன்ற உறுப்பினர் நாமல் ராஜபக்‌ஷ தெரிவித்துள்ளார்.

எனினும் ஜனாதிபதித் தேர்தலில் போட்டியிடும் ஜனாதிபதி வேட்பாளர் யார் என்பது குறித்து இதுவரை தீர்மானிக்கப்படவில்லையென்றும் தெரிவித்துள்ள நாமல், தற்போது ஜனாதிபதி மைத்திரிபால சிறிசேன தான் எடுத்துள்ள தீர்மானத்தைப் பாதுகாப்பதற்காக சில தியாகங்களைச் செய்துள்ளாரென்றும் அவர் தெரிவித்துள்ளார்.

எனவே அதற்கான கௌரவத்தை ஜனாதிபதிக்கு வழங்குவதாகவும் 113 பெரும்பான்மையைக் காட்டுவது குறித்து தமது தரப்புக்கு எவ்வித பிரச்சினையும் இல்லையென்றும் நாமல் தெரிவித்துள்ளார்.