’ஒற்றை, இரட்டை அவசியமில்லை’

தங்களுடைய பணியிடங்களுக்குச் சென்று பணியாற்றும் ஊழியர்கள், தேசிய அடையாள அட்டையின் ஒற்றை, இரட்டை இலக்க நடைமுறையைப் பின்பற்றத் தேவையில்லை என்று, இராணுவத் தளபதியும் கொவிட் ஒழிப்புக்கான தேசிய செயலணியின் தலைவருமான ஜெனரல் ஷவேந்திர சில்வா தெரிவித்துள்ளார்.

ஊழியர்களை நிறுவனங்களுக்கு அழைப்பதற்கான சுகாதார வழிகாட்டல் முறைமையொன்றை, ஒவ்வொரு நிறுவனமும் கடைபிடித்து வருவதால், அந்த வகையில், 25 சதவீதமான ஊழியர்களே நிறுவனங்களுக்கு அழைக்கப்படுகின்றனர் என்றும் அவர் குறிப்பிட்டார்.

அத்துடன், தேசிய அடையாள அட்டையின் ஒற்றை, இரட்டை இலக்க நடைமுறையானது, தனிப்பட்ட அத்தியாவசியக் காரணத்துக்காக வீட்டை விட்டு வெளியேறுபவர்களுக்கே உரித்தானது என்றும் அவர் மேலும் தெரிவித்துள்ளார்.