கிணற்றிலிருந்து மாணவியின் சடலம் மீட்பு

வவுனியாவில் தனியார் கல்வி நிலையமொன்றின் வளாகத்திலுள்ள கிணறு ஒன்றில் இருந்து உயர்தர வகுப்பு மாணவி ஒருவர் நேற்று (11) சடலமாக மீட்கப்பட்டுள்ளார். 
 
குறித்த கல்வி நிலையத்தில் உயர்தர வர்த்தகப்பிரிவில் கல்வி கற்ற மாணவி நீண்ட நேரமாகியும் வீடு திரும்பாததால், பெற்றோர் மற்றும் உறவினர்கள் மாணவியை தேடியுள்ளனர். 
 
இதன்போது, மாணவியின் புத்தகப்பை, சைக்கிள் என்பன குறித்த தனியார் கல்வி நிலையத்தில் காணப்பட்டதுடன், அங்கிருந்த கிணற்றின் அருகே மாணவியின் பாதணி அவதானிக்கப்பட்டது. 
 
இதனையடுத்து, 40 அடி ஆழமான கிணற்றில் தேடுதல் மேற்கொண்ட போது, மாணவியின் சடலம் மீட்கப்பட்டுள்ளது. (a)