கான்வாய் பாதுகாப்புடன் சட்டசபை நோக்கிப் பயணிக்கும் முதல்வர்

தமிழக முதல்வர் விஜய் அவர்கள், இன்று (10) காலை பலத்த பாதுகாப்பு ஏற்பாடுகளுடன் சென்னை சாலைகள் வழியாகத் தனது அலுவலகம் நோக்கிப் பயணித்தார்.

தமிழகத்தின் அரசியல் மற்றும் நிர்வாக ரீதியான முக்கியப் பணிகளைக் கவனிப்பதற்காக, முதல்வர் விஜய் அவர்கள் தனது இல்லத்திலிருந்து தலைமைச் செயலகம் நோக்கிப் புறப்பட்டார். இதன்போது, அவருக்கு வழங்கப்பட்டுள்ள விசேட பாதுகாப்புப் பிரிவினரின் (Security Convoy) பல அடுக்கு வாகனங்கள் புடைசூழ அவர் பயணித்தார்.

முதல்வர் கடந்து செல்லும் வீதி எங்கும் நூற்றுக்கணக்கான பொதுமக்களும், ரசிகர்களும் திரண்டு நின்று அவருக்கு உற்சாக வரவேற்பு அளித்தனர். பல இடங்களில் மக்கள் தங்களது கைகளை அசைத்துத் தங்களின் மகிழ்ச்சியை வெளிப்படுத்தியதைக் காண முடிந்தது. இதற்குப் பதிலாக, முதல்வர் விஜய்யும் தனது வாகனத்தின் ஜன்னல் வழியாகக் கைகளை அசைத்து மக்களின் அன்பை ஏற்றுக்கொண்டார்.

முதல்வரின் வருகையை முன்னிட்டு சென்னையில் போக்குவரத்து நெரிசல் ஏற்படாத வண்ணமும், பாதுகாப்புக்குக் குந்தகம் விளையாத வகையிலும் பொலிஸார் விசேட வீதி ஒழுங்குபடுத்தல்களை மேற்கொண்டிருந்தனர். முதல்வரின் வாகனம் கடந்து செல்லும் போது வீதியின் இருபுறங்களிலும் பொலிஸார் பாதுகாப்புப் பணியில் ஈடுபடுத்தப்பட்டிருந்தனர்.

சமூக வலைதளங்களில் தற்போது இந்த 'கான்வாய்' பயணக் காட்சிகள் வைரலாகி வருவதுடன், மக்கள் மத்தியில் இது பெரும் எதிர்பார்ப்பையும் ஏற்படுத்தியுள்ளது.