கொரோனா கொஞ்சுவதை பாருங்கள்

புத்தாண்டுக்குப் பின்னர் கொரோனா தொற்றாளர்களின் எண்ணிக்கை நாளுக்கு நாள் அதிகரித்து கொண்டே வருகின்றது. கொ​ரோனா தொற்றாளர்களின் எண்ணிக்கை அதிகரிப்பது தொடர்பில், ஒரு தரப்பினரை மற்றுமொரு தரப்பு குற்றஞ்சாட்டி கொண்டிருக்கின்றது.

அந்த வகையில்,

• கொரோனா தொற்றாளர் 520 பேர், இன்று (22) இனங்காணப்பட்டனர் என இராணுவத் தளபதி அறிவித்துள்ளார்.
• குளியாபிட்டிய நகரத்துக்கு பிரவேசிக்கும் சில பிரதேசங்களுக்கு செல்வதற்கு வரையறுக்கப்பட்டுள்ளது.
• குளியாப்பிட்டிய நகர், துன்மோதர, மேற்ககு தண்டல்கமுவ, கனதுல்ல, கீழ் வீரமுவ ஆகிய பிர​தேசங்களுக்கான பயணங்களே வரையறுக்கப்பட்டுள்ளன.
• பாணந்துறை பிர​தேசத்தில் தனியார் கைத்​தொழில் சாலையில் கடமையாற்றும் பணியாளர்களில் 29பேருக்கு கொரோனா தொற்று உறுதியானது. அவர்கள் அனைவரும் புத்தாண்டு கொண்டாட்டத்துக்காக வீடுகளுக்குச் சென்று திரும்பியவர்கள் ஆவர்.
• கொரோனா தொற்றுக்கு உள்ளானவர்களில் 216 பேர், இன்றையதினம் குணமடைந்துள்ளனர்.
• புத்தாண்டுக்கு பஸ் வண்டியில் சுற்றுலாச் சென்ற, திவுலப்பிட்டிய மற்றும் வத்தளை பிரதேசங்களைச் சேர்ந்த 52 பேருக்கு கொரோனா வைரஸ் தொற்றியுள்ளமை இனங்காணப்பட்டுள்ளது.
• திவுலப்பிட்டிவை வசிப்பிடமாகக் கொண்ட 45 பேர், பஸ் வண்டியில் நுவரெலிய பிரதேசத்துக்கு சுற்றுலா சென்றுள்ளனர். அதில்,38 பேருக்கு கொரோனா தொற்று உறுதியாகியுள்ளது.