கிழக்கு மாகாண முன்னாள் உறுப்பினர் விபத்தில் மரணம்

திருகோணமலை  அனுராதபுர  சந்தி  விபுலானந்த  பாடசாலைக்கு  முன்னால்  உள்ள  பாதசாரி  கடவையில்  இடம்பெற்ற  விபத்தில்  தமிழ்த்  தேசியக்  கூட்டமைப்பின்  முன்னாள்  கிழக்கு  மாகாண  சபை  உறுப்பினர்  கு.நாகேஸ்வரன் (வயது 71) உயிரிழந்துள்ளதாக பொலிஸார் தெரிவித்துள்ளனர்.

மூதூர்,சம்பூரில் இருந்து  திருகோணமலை  நகரில்  மரணச்  சடங்கு  ஒன்றுக்கு  பஸ்ஸில்  வருகை  தந்து, பாதசாரிகள்  கடவையின்  ஊடாக  வீதியைக் கடக்க  முற்பட்ட போது மோட்டார் சைக்கிளில் வேகமாக வந்த பெண் ஒருவர்  இவர்  மீது  மோதியதாக பொலிஸாரின் ஆரம்பக்கட்ட விசாரணையில் தெரியவந்துள்ளது.

உயிரிழந்தவரின்  சடலம்  திருகோணமலை  பொது  வைத்தியசாலை  பிரேத அறையில் வைக்கப்பட்டுள்ளதுடன் விபத்து  தொடர்பான  மேலதிக  விசாரணைகளை உப்புவெளி பொலிஸார் மேற்கொண்டு வருகின்றனர்.

எஸ்.கீதபொன்கலன்