காதலனுடன் ’குடு ஹன்சி’ கைது

ஹபராதுவ, பொல்ஹேன பிரதேசத்தில் ஹெரோய்ன் விற்பனையில் ஈடுபட்ட குற்றச்சாட்டில் பெண் உள்ளிட்ட இருவர் கைதுசெய்யப்பட்டுள்ளனர்.

ஹபராதுவ பொலிஸார் முன்னெடுத்த சுற்றிவளைப்பில் குறித்த பெண்ணும், அவரது காதலன் என்று சந்தேகப்படும் நபரும் கைதாகியுள்ளனர்.

கைதுசெய்யப்பட்ட சந்தர்ப்பத்தில் 4 கிராம் அளவான ஹெரோய்ன் கைப்பற்றப்பட்டுள்ளது. 

பொல்ஹேன பகுதியைச் சேர்ந்த ஹெரோய்ன் விற்பனையில் ஈடுபட்டு வந்த 'குடு  ஹன்சி' என்ற பெண்ணே கைதுசெய்யப்பட்டுள்ளதாக பொலிஸார் தெரிவித்துள்ளனர்.

சந்தேக நபர்கள் காலி நீதவான் நீதிமன்றில் இன்று (30) முன்னிலைப்படுத்தப்படவுள்ளனர்.