குழிக்குள் விழுந்து நால்வர் பலி

வவுனியா – தாண்டிகுளம் பிரதேசத்தில் கழிவுகள் கொட்டப்படும் குழியொன்றுக்குள் விழுந்து நால்வர் உயிரிழந்துள்ளனர்.

குறித்த நால்வரும் துப்புரவு பணிகளுக்காக இங்குச் சென்றிருந்ததாகவும் எனினும் எதிர்பாராதவாறு ஒருவர் குழிக்குள் விழுந்த வேளையில், அவரை காப்பாற்ற முயன்ற ஏனைய மூவரும் குழிக்குள் விழுந்துள்ளதாகவும் பொலிஸார் தெரிவித்தனர்.

உயிரிழந்தவர்களின் சடலங்கள் தற்பொழுது வவுனியா வைத்தியசாலையில் வைக்கப்பட்டுள்ளதாகப் பொலிஸார் மேலும் தெரிவித்தனர்.