கொழும்பின் சில பகுதிகளுக்கு நீர் வெட்டு

அவசர திருத்தப் பணிகள் காரணமாக, இன்று (09) பி.ப 1.00மணி தொடக்கம் நாளை காலை 7.00 மணி வரையான 18 மணித்தியாலங்கள், கொழும்பின் சில பகுதிகளுக்கு நீர் வெட்டு அமுல்படுத்தப்படுமென, தேசிய நீர் வழங்கல் வடிகாலமைப்பு சபை தெரிவித்துள்ளது.

இதற்கமைய, நவகம்புர, கொழும்பு 9, 14 ஆகிய பகுதிகளுக்கான நீர் விநியோகம் தடைப்படுமென, அறிவிக்கப்பட்டுள்ளது.

குறித்த நேரங்களில் கொழும்பு 13,15 ஆகிய பகுதிகளுக்கு குறைந்தளவில் நீர் விநியோகிக்கப்படுமென, தேசிய நீர் வழங்கல் வடிகாலமைப்பு சபை தெரிவித்துள்ளது.