குண்டர் குழு கைது

வீடொன்றுக்குள் நள்ளிரவு வேளையில் நுழைந்து, அங்கிருந்த பெண்ணொருவரை தாக்கிவிட்டு அவரது கணவரை முச்சக்கரவண்டியில் இழுத்துச் சென்றதாக கூறப்படும் மூவரை, ரன்குரகமவில் வைத்து கைதுசெய்துள்ளதாக பொலிஸார் தெரிவித்தனர்.

அவிஸ்ஸவாலை, தெஹிகஹபிடியவில்  இச்சம்பவம் நேற்று இடம்பெற்றுள்ளது. தாக்குதலில் காயமடைந்த பெண் வைத்தியசாலையில் அனுமதிக்கப்பட்டுள்ளதுடன் அவரது கணவரை பொலிஸார் மீட்டுள்ளனர்.

இதுதொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.