சடலங்களை தகனம் செய்யுமாறு உத்தரவு

மஹர சிறைச்சாலை கலவரத்தில் உயிரிழந்த மேலும் நால்வரின் சடலங்களை தகனம் செய்யுமாறு, வத்தளை நீதவான் நீதிமன்றம் இன்று உத்தரவிட்டுள்ளது.

மேற்படி விவகாரத்துடன் கூடிய வழக்கு இன்று விசாரணைக்கு எடுத்துக்கொள்ளப்பட்டபோது, நீதவான் புத்திக ஸ்ரீ ராகல இந்த உத்தரவை பிறப்பித்துள்ளார்.

உயிரிழந்த நான்கு பேரில் மூவர் கொரோனா தொற்றாளர்களாக அடையாளம் காணப்பட்டுள்ளனர்.

மஹர சிறைச்சாலை கலவரத்தில் 11 பேர் உயிரிழந்த நிலையில் மூவரின் மரண பரிசோதனை இன்று இடம்பெற்றது.