சட்டவிரோதமான முறையில் அகழ்வில் ஈடுபட்டோர் கைது

அனுமதிப்பத்திரமின்றி மாணிக்கக்கல் அகழ்வில் ஈடுபட்ட ஏழு பேரை ​பொலிஸார் நேற்று (12) கைது செய்துள்ளனர்.

ஹட்டன் ஓயா, ஸ்டேடன் தோட்டப் பகுதியில் குறித்த சந்தேகநபர்கள் சட்டவிரோதமான முறையில் அகழ்வில் ஈடு​பட்டு கொண்டிருந்த வேளையில், அங்கு விரைந்த ஹட்டன் குற்றத்தடுப்பு பிரிவு அதிகாரிகளால் குறித்த நபர்கள் கைது செய்யப்பட்டுள்ளனர்.

மேலும் இவர்கள் அகழ்வுக்காக பயன்படுத்திய உபகரணங்கள் கைப்பற்றப்பட்டுள்ளதோடு, குறித்த எழுவரையும் ஹட்டன் நீதவான் நீதிமன்றத்தில் ஆஜர்ப்படுத்த நடவடிக்கைகள் எடுக்கப்பட்டுள்ளதாகவும் தெரிவிக்கப்பட்டுள்ளது.