சட்டவிரோதமாக குவைத்தில் தங்கியிருந்த 71 இலங்கையர் நாடு திரும்பினர்

சட்டவிரோதமான முறையில் குவைத் நாட்டில் தங்கியிருந்த இலங்கை தொழிலாளர்கள் 71 பேர் இன்று ஞாயிற்றுக்கிழமை(14) அதிகாலை நாடு திரும்பியுள்ளனர்.

இவ்வாறு நாடு திரும்பியவர்களில் 62 பெண்களும் 9 ஆண்களும் இருந்ததாக வெளிநாட்டு வேலைவாய்பபு பணியகம் தெரிவிக்கின்றது.

இவர்கள் தொழில் ஒப்பந்தம் இன்றி வருடக்கணக்கில் குவைத் நாட்டில் தங்கி இருந்தாக விசாரணையில் தெரியவந்துள்ளது.

குவைத் நாட்டிலுள்ள தூதரகத்தின் பாதுகாப்பு அலுவலகத்தில் மேலும் 61 இலங்கையர்கள் தங்கவைக்கப்பட்டுள்ளனர்.

அவர்களையும் நாட்டுக்கு அழைத்து வர நடவடிக்கை எடுத்துள்ளதாக வெளிநாட்டு வேலைவாய்பபு பணியக அதிகாரிகள் தெரிவிக்கின்றனர்.