ஜப்பான் யுவதியை சீரழித்தவருக்கு வலைவீச்சு

அநுராதபுரம், ஹரிச்சந்திர வீதியிலுள்ள வீடொன்றில் தங்கியிருந்த ஜப்பான் நாட்டு யுவதியொருவரை வன்புணர்வுக்கு உட்படுத்திவிட்டு தலைமறைவாகிய சந்தேகநபர் ஒருவரை கைது செய்வதற்கான நடவடிக்கைகளை பொலிஸார் மேற்கொண்டுள்ளனர்.

ஜப்பானின் அரச சார்பற்ற நிறுவனமொன்றினால் இலங்கையில் நடைமுறைப்படுத்தப்படும் வேலைத்திட்டமொன்றை மேற்படி யுவதியே மேற்கொண்டு வருகின்றார். அவர், கடந்த ஆகஸ்ட் மாதம் முதலே மேற்படி வீட்டில்தான் தங்கியிருந்துள்ளார்.

குறித்த வீட்டின் உரிமையாளர்கள் இல்லாத சமயத்தில் வீட்டுக்குள் நுழைந்துள்ள மேற்படி சந்தேகநபர், மேற்படி ஜப்பான் யுவதியை அச்சுறுத்திவிட்டு வன்புணர்வுக்கு உட்படுத்திச் சென்றுள்ளார் என பொலிஸ் விசாணைகளிலிருந்து தெரியவந்துள்ளது.