திங்களன்று அடுத்த சுற்று பேச்சுவார்த்தை

ஆசிரியர்களின் சம்பளப் பிரச்சினையைத் தீர்ப்பதற்காக, கல்வி அமைச்சருக்கும் ஆசிரியர் சங்கங்களின் பிரதிநிதிகளுக்கும் இடையிலான அடுத்த சுற்று பேச்சுவார்த்தை திங்கட்கிழமை (26) காலை கல்வி அமைச்சில் நடைபெறும் என்று கல்வி அமைச்சின் செயலாளர் பேராசிரியர் கபில பெரேரா தெரிவித்தார். 

இந்த விவகாரம் தொடர்பாக அமைச்சரவை எடுக்கும் முடிவுகள் ஆசிரியர் சங்கங்களின் பிரதிநிதிகளுக்கு தெரிவிக்கப்படும் என்றும் அவர்  தெரிவித்தார்.

செயல்முறைப் பரீட்சைகளில் இருந்து ஆசிரியர்கள் விலகினால், அவர்கள் சமூகத்திலிருந்து பல்வேறு களங்கங்களை எதிர்கொள்ள வேண்டியிருக்கும் என்று குறிப்பிட்ட அவர், அனைத்து ஆசிரியர்களும் இந்த நேரத்தில் மாணவர்களின் கல்வி குறித்து உணர வேண்டும் என்றும் கூறினார்.