தோட்டத்திலிருந்து கேரள கஞ்சா மீட்பு

புத்தளம், கற்பிட்டி - கந்தக்குளியப் பகுதியிலுள்ள தோட்டமொன்றில் புதைத்து வைக்கப்பட்டிருந்த நிலையில் 25 கிலோகிராம் கேரளக் கஞ்சா மீட்கப்பட்டுள்ளதாக, புத்தளம் பொலிஸார் தெரிவித்தனர்.

கிடைக்கப்பொற்ற இரகசியத் தகவலின் அடிப்படையில், புத்தளம் சிரேஷ்ட பொலிஸ் அதிகாரியினால் முன்னெடுக்கப்பட்ட விசேட சுற்றிவளைப்பின் போதே, குறித்த கஞ்சா மீட்கப்பட்டுள்ளது.

சுற்றிவளைப்பு நடவடிக்கையின் போது, சம்பவத்துடன் தொடர்புடைய சந்தேகநபர்கள் தப்பிச் சென்றுள்ளதாகவும் அவர்களைக் கைதுசெய்வதற்கான நடவடிக்கைகளை முன்னெடுத்து வருவதாகவும் புத்தளம் பொலிஸார் தெரிவித்தனர்.